იუსტიციის უმაღლეს სკოლას არ მოუწოდებია ინფორმაცია იმის შესახებ, ყოველწლიურად აწარმოებს თუ არა მოსამართლეთა პროფესიული განვითარების საჭიროების კვლევას. მისი განმარტებით, კვლევის ჩატარება დამოკიდებულია იმაზე, თუ როდის მიიღებენ მსმენელთა ახალ ჯგუფს; ამ მიზნით მოსამართლეთა  გამოკითხვა ბოლო სამი წლის განმავლობაში განხორციელდა 2021 წლის 26 სექტემბრიდან 26 აგვისტოს ჩათვლით. მოსამართლეთა მიერ იდენტიფიცირებული თემები მოიცავდა: ადამიანის უფლებათა ევროპულ და საერთაშორისო სამართალს, საკონსტიტუციო სამართალს, ზოგად საკითხებს (ლიდერობა და მენეჯმენტი, დანაშაულის ფსიქოლოგია, მოსამართლის პროფესიული უნარები, შშმ პირებთან კომუნიკაციის სტანდარტები  და სხვ.), საგადასახადო, სისხლის, ადმინისტრაციულ და სამოქალაქო სამართალს.